Menntaskólinn að Laugarvatni - Enter your slogan here
Kennaragrín
Fyrir skemmstu boðuðu nemendur fjórða bekkjar til kennaragríns, svo sem hefð mælir fyrir um. Undirritaður átti þess því miður ekki kost að vera þarna viðstaddur, en hefur fregnað að þarna hafi allt verið með ágætasta móti. Að öðru leyti treystir hann sér ekki til að fjalla um samkomuna, utan geta þess, að þarna var Magnús nokkur Bjarki Snæbjörnsson í hlutverki aðstoðarskólameistara og myndaði samkomugesti af miklum móð, svo sem vera ber. Myndirnar eru nú komnar á myndasíðuna, eftir að hafa verið unnar lítillega. Það má ljóst vera, að Magnús er vaxandi ljósmyndari.
-pms
Þá er þetta orðin hefð
Ætli það hafi ekki verið í fyrsta skipti í fyrra, að nemendum í öðrum bekk, sem voru nýbúnir að fá bekkjarbúninginn sinn (sem nemendur í þessum skóla fá sér alltaf í öðrum bekk) datt í hug að fá myndir teknar af sér við merki skólans, í nýju búningunum.
Nú eru annars bekkingar þessa árs komnir í nýja búninginn sinn, og viti menn, samkvæmt hefðinni þótti þeim tilhlýðilegt að fá teknar af sér myndir við merki skólans, sem auðvitað var sjálfsagt.
Hreinsun hugans: VATNSSLAGUR
Það er litið svo á hér, að til að efla einbeitingu fyrir próflestur, sé gott að reyna á líkamann, sleppa aðeins fram af sér beislinu og almennt bara henda um stund áhyggjum og kvíða út í hafsauga, ef slíkt er fyrir hendi á annað borð. Eftir hádegið á þessum sólardegi á Laugarvatni var tækifærið gripið, einmitt með ofangreind markmið í huga.
Fleiri greinar...
Síða 1 af 62
