Systkinahópurinn á síðastliðnum vetriUndanfarin ár höfum við tekið saman upplýsingar um fjölda systkina í skólanum. Þetta hefur nú aðallega verið gert til gamans, en einnig vegna þess, að það skiptir máli í tengslum við dvalarkostnað í skólanum og vegna þess að okkur finnst fjöldi systkina veita vísbendingu um hvernig skólinn stendur sig.

Samantektin nú leiðir í ljós, að 32 nemendur eiga systkin í skólanum, en á sama tíma í fyrra voru þeir 36. Þarna teljum við ekki vera marktækan mun.

Það er áhugavert að sjá, að af þessum hópi stunda 23 nám á náttúrufræðibraut, þar af eiga 9 nemendur í 4. bekk náttúrufræðibrautar nú, systkin í neðri bekkjum.  Ekki verður hér gerð tilraun til að skýra þann umtalsverða mun sem er þarna á milli brauta.

Af systkinapörunum 16 er 3 bræðrapör og 2 systrapör. Ekki er sjáanlegt að systkin komi frekar frá einu landssvæði en öðru, enda má nú segja, að það sé aukaatriði…..

pms

Viltu deila...
Share on Facebook
Facebook
Tweet about this on Twitter
Twitter