Framboðsvika – kosningar á mánudag

///Framboðsvika – kosningar á mánudag

Framboðsvika – kosningar á mánudag

Á mánudaginn kemur verður kosið til nýrrar stjórnar Mímis, nemendafélags ML.

Þangað til verður kosningabarátta háð og þeir 27 einstaklingar sem eru í framboði gera hvað þeir geta til að kynna sig og beita ýmis konar aðferðum í von um að fá atkvæði samnemenda sinna að launum.

Veggspjöld hafa verið sett upp, auglýsingaborð með kynningarefni og alls kyns góðgæti fylla gjarnan ganga og annað kvöld, fimmtudagskvöld verða framboðsræður fluttar í N-stofu.

Í stjórn Mímis sitja 14 nemendur. Embætti stallara, varastallara, gjaldkera, tómstundaformanns, ritnefndarformanns og vef- og markaðsfulltrúa eru eins manns embætti. Fjögur eru skipuð tveimur einstaklingum, þ.e. jafnréttis- og skólaráðsfulltrúar, skemmtinefndaformenn, íþróttaformenn og árshátíðarformenn.

Væntanlega verður háspenna í lofti á aðalfundi nemendafélagsins næsta mánudagskvöld þegar atkvæði verða talin upp úr kjörkössum.

VS

Viltu deila...
Share on Facebook
Facebook
Tweet about this on Twitter
Twitter
By |2019-01-30T15:14:28+00:00January 30th, 2019|Nýjar fréttir|Comments Off on Framboðsvika – kosningar á mánudag

About the Author: