Löng hefð er fyrir skírn nýnema upp úr Laugarvatni á fyrstu vikum skólastarfs ár hvert. Á síðasta skólaári þurfti að seinka skírninni til vorannar vegna Covid-reglna en í ár var hægt að viðhalda hefðinni á hefðbundnum tíma og halda samt sóttvarnir. Það voru því kátir ML-ingar sem héldu í gleðigöngu sl. föstudag og vígðu fyrsta árs nema inn í skólasamfélag Menntaskólans að Laugarvatni. Að vanda fylgdi Hvítbláinn, skólafáni ML hópnum. Hlýtt var í veðri þennan dag, en hellirigning þannig að nemendur urðu vel votir áður en í vatnið var farið. Það má með sanni segja að hamingjan hafi verið á Laugarvatni á föstudaginn í síðustu viku eins og sést á myndum sem skólaljósmyndarinn okkar hann Ívar Sæland tók og skoða má hér.

Viltu deila...
Share on Facebook
Facebook
Tweet about this on Twitter
Twitter