RatleikurNýnemar fengu svo sannarlega að njóta góða veðursins í léttu hópefli á þriðjudag en megin tilgangur þess er að hjálpa þeim að brjóta ísinn fyrstu daga skólagöngunnar.

Nafna- og afmælisdagaleikir ásamt ratleik voru á dagskrá og leystu nýnemar þrautirnar með aðstoð stjórnar nemendafélagsins. Í ratleiknum sem stýrt var af Helgu Kristínu Sæbjörnsdóttur íþrótta- og lífsleikniskennara þurftu nemendur að skokka um Laugarvatn og svara spurningum um helstu kennileiti staðarins ásamt því að leysa þrautir sem byggðu á samvinnu allra innan hópanna. Það var ekki annað að sjá en að nemendur hafi notið samverunnar enda veðurguðirnir einstaklega hliðhollir okkur þessa fyrstu daga haustannarinnar. Fleiri myndir hér.

HKS

 

Viltu deila...
Share on Facebook
Facebook
Tweet about this on Twitter
Twitter