Hópurinn í fjósinu á HvanneyriNemendur 4. bekkjar búa sig nú undir útskrift og munu senn yfirgefa ML. Einn liður í undirbúningnum er lífsleikniáfangi þar sem fjallað er um náms- og starfsval. Í áfanganum fá þeir fræðslu og kynningar frá ýmsum skólum og stofnunum.

Á þessari önn fóru nemendurnir í tvær ferðir til að kynna sér skóla og fyrirtæki. Í febrúar heimsóttu þeir Háskóla Íslands, Háskólann í Reykjavík og fyrirtækið CCP þar sem fyrrverandi ML-ingur Dögg Jónsdóttir tók á móti hópnum. Einnig var litið við í Norræna húsinu, á bóksafnið og á skemmtilega sýningu um barnamenningu.

8. maí, lögðu nemendur svo leið sína í Borgarfjörðinn til að kynna sér nám í Landbúnaðarháskólanum á Hvanneyri og í Háskólanum á Bifröst. Það er gaman að segja frá því að sex af nemendunum hafa ákveðið að sækja nám á Hvanneyri.

Kynningar sem þessar auka tvímælalaust á víðsýni nemenda og hjálpa þeim að taka ákvarðanir um framtíðina.

Ég vil koma á framfæri þakklæti fyrir hönd hópsins til háskólanna og CCP fyrir frábærar móttökur að ógleymdum Pálma Hilmarssyni sem er óþreytandi við að keyra ML-inga um allar trissur.

Gríma Guðmundsdóttir
Náms- og starfsráðgjafi

Myndir frá ferðunum

2017 21 02 Hákólakynnsiferð Rvk

2017 08 05 Hvanneyri og Bifröst

Viltu deila...
Share on Facebook
Facebook
Tweet about this on Twitter
Twitter