Týpur í ML - líklega pönkarar.....eða?Allt er í heiminum hverfult, segir einhversstaðar. Það eru ekki lengur saumaðir öskupokar (pokar sem einhverntíma innihéldu ösku, en síðar ekki neitt, þar til pokarnir sjálfir hurfu) til að hengja aftan á grandalaust fólk. Þar með eru tengslin milli nafns þessa dags og þess sem þá fer fram, rofin. Nú heyrist hann kallaður „búningadagur“.  

Í ML hafa nemendur haldið þeim sið lengi að efna til þess sem kallað er „týpudagur“, sem alveg eins mætti kalla „tegundardag“ sem, eins og öskudagurinn kallar á búninga af ýmsu tagi. Hér kemur hver bekkur sér saman um ákveðna tegund búninga og birtist þannig á fyrirfram ákveðnum „týpudegi“. Sá dagur virðist hafa verið í dag, eins og sjá má af myndinni hér til hliðar og öðrum myndum sem urðu til í morgun.  Sannarlega var mismikið lagt í búningana, allt frá engu og upp í útpælda útgáfu viðkomandi „týpu“.  Einhverjum væri þægð í því ef starfsmenn, almennt, tækju einnig þátt í gleði þessa dags, en þeir eru annaðhvort gleymnir á daginn eða þá að uppátækið höfðar ekkert sérlega til þeirra, nema hvorttveggja sé. Nokkrir létu þó ekki sitt eftir liggja.

pms

Viltu deila...
Share on Facebook
Facebook
Tweet about this on Twitter
Twitter