frá skólasetninguVið upphaf fyrsta skóladags í gær var skólinn settur (að viðstöddu fjölmenni). Skólameistari greindi frá því helsta sem komandi skólaár felur í sér og þeim breytingum sem hafa orðið á starfsmannahópnum. Nú á haustönn eru starfsmenn 39, 20 sinna kennslu og stjórnun og 19 öðrum störfum, á heimavistum, í eldhúsi, þvottahúsi, við ræstingar og á skrifstofum. Nemendur í upphafi haustannar eru 151. Það eru 52 í 1. bekk og hann er fullsetinn, í 2. bekk eru 23, í þeim þriðja 32 og í fjórða bekk eru 43. Það stefnir í óvenju stóran hóp nýstúdenta á komandi vori.

Þessi fyrsta vika skólaársins einkennist að gleði, spennu, glensi og gamni með smá skvettu af kvíða, en efst í hugum nemenda er auðvitað (væntanlega) sá grjótharði ásetningur að standa sig í náminu. Þannig á það líka að vera.  Galdurinn er að finna réttu blönduna af því sem nefnt er hér fyrir framan. Megi okkur öllum takast það.

pms

nokkrar myndir frá skólasetningu

Viltu deila...
Share on Facebook
Facebook
Tweet about this on Twitter
Twitter