ÚTIVIST: GPS-rötunaræfing

///ÚTIVIST: GPS-rötunaræfing

ÚTIVIST: GPS-rötunaræfing

Gönguhópurinn leggur í hann.Það var vaskur hópur ML-nemenda í framhaldsáfanganum í útivist ásamt tveimur fararstjórum, Óla kennara og Pálma húsbónda, sem lagði í göngu frá Kringlumýri, sunnan Litla Reyðarbarms, mánudaginn 3. nóvember sl.

Lagt var af stað frá ML kl. 13:00 og óku Pálmi og Erla hópnum á upphafsstaðinn. Nokkru  áður en gangan fór fram hafði Pálmi gengið leiðina og komið þar fyrir hælum og tekið hnit þeirra. Það var svo markmið ferðarinnar að nemendur fyndu hælana á leið sinni til baka að Laugarvatni með GPS tækjum, en búið var að skipta nemendum í þrjá þriggja manna hópa og skiptust þeir á að leiða gönguna.

Leiðin lá norður með Litla Reyðarbarmi framhjá Vallarétt, sem er gömul hlaðin rétt, þar sem nemendur hvíldu lúin bein og snæddu nesti. Þaðan var haldið í Laugarvatnshelli. Eftir hvíldina var gengið norður eftir Laugarvatnsvöllum og farið austur yfir rana við Grenhóla. Gengið var um Langamel, Helgadal og þaðan að heimavistum ML.

Mjög gott veður var í ferðinni og voru nemendurnir ellefu með eindæmum jákvæðir sem gerir svona ferð skemmtilega og lærdómsríka.

Kv. Óli Guðm. og Pálmi Hilmars.

MYNDIR

Viltu deila...
Share on Facebook
Facebook
Tweet about this on Twitter
Twitter
By |2018-08-28T08:45:39+00:00November 7th, 2014|Nýjar fréttir|0 Comments

About the Author: